L'angolo della Poesia

 

 

Salvatore Di Giacomo

   

Na tavernella ...

 

Maggio. Na tavernella

ncopp' 'Antignano: 'addore

d' 'anèpeta nuvella;

'o cane d' 'o trattore

c'abbaia: 'o fusto 'e vino

nnanz' 'a porta: 'a gallina

ca strilla 'o pulicino:

e n'aria fresca e ffina

ca vene 'a copp' 'e monte,

ca se mmesca c' 'o viento,

e a sti capille nfronte

nun fa truvà cchiù abbiento ...

Stammo a na tavulella

tutte e dduie. Chiano chiano

s'allonga sta manella

e mm'accarezza 'a mano ...

Ma 'o bbì ca dinnt' 'o piatto

se fa fredda 'a frittata?

Comme me so' distratto!

Comme te si' ncantata! ...

Parnaso Italiano

Crestomazia della poesia italiana dalle Origini al Novecento

Poesia dell'Ottocento

A cura di Carlo Muscetta ed Elsa Sormani

I Millenni

Numero 27

 

Giulio Einaudi Editore

Ediz. 1969

 

 

 

 

 

 

 

 

I precedenti

    *    Platone - Ed era, la sua, voce di canto

 

HOMEPAGE